தமிழ் எழுத்தாளர்களில் குறிப்பிடத்தக்கவராக விளங்கும் ஆசி கந்தராஜா அறிவியல் புனைகதைகளில் மிகவும் தேர்ச்சிபெற்றவர். இவரின் கதைசொல்லும் பாணி பிற தமிழ் எழுத்தாளர்களிடமிருந்து முற்றிலும் வேறுபட்டது.சைவமுட்டை என்னும் இந்நூலில் பதினாறு உட்தலைப்புகளைக் கொண்ட கதைகள் உள்ளன. ஒவ்வொரு கதையும் வெவ்வேறு கருப்பொருளையும் வெவ்வேறு கதாபாத்திரங்களையும் கொண்டு வடிவமைக்கப்பட்டுள்ளன. கதாசிரியரின் பட்டறிவு, கதையை நகர்த்த உரையாடலைப் பயன்படுத்தும் விதம். கதையிலுள்ள அறிவியலை விவரிக்கும் எளிமையான எழுத்து நடை போன்றவை இந்நூலின் தனித்துவத்தை வெளிப்படுத்துகின்றன